La Selmana Negra sigue coles sos actividaes centraes nel xéneru policiacu

[Estaya d'Asturianu, 15 xulio 2009]

La Selmana Negra de Xixón sigue toos estos díes col so programa tan ampliu d’actividaes centraes, anque non solo, nel llamáu xéneru policiacu o negru. Asina, pa esti xueves 16 de xunetu, ta prevista una tertulia (Carpa del Alcuentru, 17:00 hores) col títulu de La novela negra al abordaje de la política, onde van participar un bon númberu d’autores: Oscar Urra, Luis Sepúlveda, Guillermo Saccomanno, Bruno Arpaia, Raúl Argemí, Francisco Hagenbeck, Jorge Moch, Alejandro M. Gallo, Fritz Glockner, Juan Bas, Mercedes Castro, Willy Uribe, Carles Quilez, Cristina Fallarás, Andreu Martín, Víctor Andresco, Ernesto Mallo, Carlos Salem y Jerónimo Tristante. Amás d’eso nun van faltar les meses redondes, como Nápoles, la cultura y la basura (con Bruno Arpaia, Antonella Cilento y Laura Pugno); presentaciones de llibros (El baile ha terminado, de Julián Ibáñez; Mañana no será lo que dios quiera, de Luis García Montero; Los últimos días de Michi Panerto, de Miguel Barrero; o Un asesino irresistible, de Juan Bolea); un recital de poesía (Luis García Montero, Félix Grande, Marco Antonio Campos); o proyecciones cinematográfiques (Único testigo, de Peter Weir).

Nesta ocasión el conciertu de la nueche (Escenariu Central, 22:300 hores) va tar protagonizáu pol grupu Taxi, formación de pop-rock nacíu a partir de la escisión de Melón Diesel, del que siguen col so estilu, con canciones en castellanu.