El xéneru negru sigue tiñendo Xixón

[Estaya d'asturianu, 15 de juliol de 2008]

El programa de la XXI Selmana Negra previsto pal miércoles 16 de xunetu inclúi, como los demás díes, talleres lliterarios pa mozos y mayores (que s’entamen pela mañana nel Muséu del Ferrocarril) y, pela tarde, alcuentros lliterarios, presentaciones de llibros y actuaciones musicales, ente otro.

A partir de les 18:00 hores, la Carpa d’Alcuentru va acoyer la tertulia «El mal y sus protagonistas» con Nacho Guirado, Nahum Montt, Mario Mendoza, Lorenzo Lunar, Rebeca Murga, Leonardo Oyola, Juan Bolea, Juan Bas, Juan Ramón Biedma, Roberto Ampuero Frank Quasar, Achy Obejas, Nerea Riesco, Ángel Tomás González, José Carlos Somoza, Joaquín Pérez Azaustre, Empar Fernández, Carlos Salem, Francisco Galván, Rolando Hinojosa y Paco Ignacio Taibo II, como moderador. De siguío, y nel mesmu sitiu, van empezar les presentaciones y charles siguientes: presentación cruzada de «Juanín y Bedoya, los últimos guerrilleros», d’Antonio Brevers, y «La noche desnuda», de Juan Carlos Arce, al cargu de Paco Ignacio Taibo II y Juan Ramón Biedma; presentación d’«El naufragio de un imperio», de Juan Esteban Constaín, por Juan Bolea; «Salamina», de Javier Negrete, por Jorge Iván Argiz; y «Sherlock Holmes y el heredero de Nadie», de Rodolfo Martínez, presenta Juan Ramón Biedma. A les 21:00 hores, va ser la intervención de Sanjuana Martínez col títulu de «Los infiernos mexicanos». A les 24:00 hores, va facese una tertulia nocherniega titulada «La escritura o la vida», moderada por Ángel de la Calle y con Juan Esteban Constain, Ricardo Menéndez Salmón, Raul Argemí, Leonardo Oyola, Juan Sasturain, Nerea Riesco, Sebastién Rutés, Goran Tocilovac, Paco Ignacio Taibo II.

Na carpa A quemarropa, a les 18:00 hores, Miguel Cane y Cristina Macía van facer una presentación cruzada de los llibros «El loco de las muñecas», d’Empar Fernández, y «La suit de Manolete», de Joaquín Pérez Azaústre. Depués, van presentase «Los zapatos asesinos», de Fernando Marías (con regalu de llibros); «Ciudad Final», de Kama Gutier, al cargu de José Luis Muñoz; «Retrato de familia con muerta», de Raul Argemí, presenta Alejandro M. Gallo; y «Cuentos Revolucionarios», de Ricardo Flores Magón, presenta Fritz Glockner.

Na Carpa Imagenio, de 18:30 a 00:30 hores, van proyectase, a les 20:00 hores, «Los niños perdidos del franquismo», de Montse Armengou y Ricard Belis, y a les 22:30, dientro’l Ciclu Germán Robles «El vampiro mexicano», la película «El barón del terror», de Chano Urueta.

A les 22:30 hores, nel escenariu central va tocar Shantel and Bucovina Club Orkestar. Shantel yera un productor de música electrónica hasta qu’un viaxe a Bucovina cambió la so trayectoria musical. Los sones de Taraf de Haidoukd, Mahala Rai Band o Goran Bregovic inspiren agora a esti músicu, premiu BBC World Music Award y autor de delles composiciones pal cine.